Перейти к содержанию

РСФСР култууратын үтүөлээх үлэһитэ, СССР суруйааччыларын Сойууһун чилиэнэ, Саха АССР искусстволарын үтүөлээх деятелэ, Үлэ Кыһыл знамя уордьанын икки төгүллээх кавалера, Сунтаар улууһун Бочуоттаах олохтооҕо, норуот ырыаһыта СЕРГЕЙ АФАНАСЬЕВИЧ ЗВЕРЕВ — КЫЫЛ УОЛА төрөөбүтэ 120 сыла.

Кулун тутар 13 күнүгэр Мүрү нэһилиэгэ норуот ырыаһыта, тыл сүмэтин маастара Сергей Зверев -Кыыл Уола төрөөбүтэ 120 сылыгар аналлаах Ытык Бэлиэни Лөгөй нэһилиэгин делегациятыттан Мүрү алааһын кэрэ көстүүтүгэр, ытык сирбитигэр Хараҕа Төрдүгэр туттубут! Саха норуотун чулуу уолугар аналлаах тэрээһини Олоҥхо дьиэтигэр күнүс 14 чааска ыыттыбыт. Тэрээһиҥҥэ Сибиэрэп туһунан киинэни, олоҕун туһунан сырдатыыны, Сибиэрэптиин алтыспыт дьоммут: Евдокия Максимовна Иванова, Галина Никитична Иванова-Айтыына ахтыыларын иһиттибит. Мүрү нэһилиэгин баһылыгын солбуйааччыта Владилена Васильевна Колесова мустубут дьону Ытык Бэлиэ кэлбитинэн эҕэрдэлээтэ. “Сарсын, сарсын сарсыарда” ырыатын сцена ветерана, сэрии кэмин оҕото Розалия Михайловна Окоемова 3 саас оскуолатын “Сиккиэр” норуот инструменнарыгар оркестрынан доҕуһуоллаан толордо(сал.С.Н.Луковцев). Сибиэрэп 9 Мэҥэ хамсаныытын улуустааҕы хореографтар ассоциациялара иилээн ыыттылар( сал.У.П.Ноговицына). Роберта Михайловна Петрова, Афанасий Петрович Бурцев оһуохай түһүлгэтин төрүттээтилэр. Тэрээһиммитигэр Мүрү нэһилиэгин ветераннара, “Күндүүнэ” ансамбль, оҕо уһуйаанын үлэһиттэрэ көхтөөх кыттыыны ыллылар.