Улуус Экспертнэй Сэбиэтин быһаарыытынан 2021 сылга «Уус-Алдан улууһун норуотун маастара» үрдүк ааты ыллылар: Мүрү нэһилиэгиттэн Лугинова Валентина Георгиевна, Федорова Валентина Афанасьевна, Саввина Любовь Николаевна💐👏👏👏.
Кулун тутар 3 күнүгэр Бороҕоҥҥо, офиснай киин аактабай саалатыгар, Саха Өрөспүүбүлүкэтигэр бэлиэтэнэр Норуот маастарын күнүн көрсө, улуус норуотун маастара ааттары ылбыт, тарбахтарыгар талааннаах Далбар Хотуттары чиэстиир үөрүүлээх тэрээһин ыытылынна. Тэрээһиҥҥэ улуус баһылыгын солбуйааччы, Экспертнэй Сэбиэт бэрэссэдээтэлэ М.В. Борисов эҕэрдэ тыл эттэ уонна үөрүүлээх быһыыга-майгыга маастар буолбуттарын туоһулуур дастабырыанньалары, түөскэ кэтиллэр үрүҥ көмүс бэлиэлэри туттарда. Маастар аатын ылбыт дьоммутугар бэйэлэрин эҕэрдэлэрин төрөөбүт нэһилиэктэрин дьоно-сэргэтэ, аймахтара, доҕотторо эттилэр.