Перейти к содержанию

“САРГЫНЫ САЛАЙСА!”.

Бүгүн балаҕан ыйын 3 күнүгэр, улууспут киинигэр Бороҕоҥҥо, культура сынньалаҥ кииннэрин материальнай – техническэй базаларын тупсарар, бөҕөргөтөр сыаллаах, “Биир Ньыгыл Арассыыйа” партия «Олохтоох култуура дьиэтэ» программанан Россия, Республика, Улуус бүддьүөттэриттэн үбүлэнэн, 3 мөлүйүөнтэн тахса сууммалаах аныгы ирдэбилгэ эппиэттиир уоттаах-күөстээх саҥа сцена комплекс, Киин болуоссаппытыгар арыллар үөрүүлээх тэрээһинэ ыытылынна.
Тэрээһиҥҥэ Саха Өрөспүүбүлүкэтин Правительствотын Председателин солбуйааччы, Саха сирин норуоттарын 8-с Спортивнай оонньууларын өрөспүүбүлүкэтээҕи тэрийэр хамыыһыйатын бэрэссэдээтэлэ, СЕРГЕЙ ВАСИЛЬЕВИЧ МЕСТНИКОВ, Саха Өрөспүүбүлүкэтин культураҕа уонна духуобунай сайдыыга министрин бастакы солбуйааччыта, ВЛАДИСЛАВ ВАЛЕРЬЕВИЧ ЛЕВОЧКИН, Саха Өрөспүүбүлүкэтин физическай культураҕа уонна спортка министрэ, ИННОКЕНТИЙ ЮРЬЕВИЧ ГРИГОРЬЕВ, Уус Алдан улууһун баһылыга АЛЕКСЕЙ ВАСИЛЬЕВИЧ ФЕДОТОВ, улуус Сэбиэтин председателэ ИВАН ИВАНОВИЧ КОЛОДЕЗНИКОВ, спорт ветерана ИВАН НИКОЛАЕВИЧ ВИНОКУРОВ, эдэр спортсмен АЙСЕН ГРИГОРЬЕВИЧ АТАСТЫРОВ кыттыыны ыллылар, эҕэрдэлэрин, баҕа санааларын тиэртилэр.
Саҥа сценаттан ылбаҕай ырыаларын бэлэхтээтилэр улууспут бастыҥ ырыаһыттара Евдокия Васильева, Саргылана Константинова, Лена Протопопова, Изабелла Старкова, эдэр талааннар Анна Лукачевская, Андрей Никитин, Семен Орлов, Айталы Слепцова, Мария Андросова, Марсен Протопопов, саксофонист Павел Охлопков, “Тойон Мүрү” культура киинин үҥкүүһүттэрин бөлөҕө.
2022 сылга ыытыллар Саха сирин норуоттарын 8-с Спортивнай оонньууларын кыайыылаахтара бу үрдүк сценаттан наҕараадаларын тутуохтара, бу сценаҕа араас таһымнаах культурнай, спортивнай, маассабай тэрээһиннэр ыытыллыахтара.