Олунньу 13 күнүгэр улууспутугар IV төгүлүн «Мүрү үҥкүүлүүр» күрэҕэр Тааттаттан, Чурапчыттан, Амматтан, Мэҥэ Хаҥаластан, Намтан, Горнайтан, Уус-Алдантан, Дьокуускайтан, Тулагыттан уопсайа 787 кыттааччы кэлэн кытыннылар.
Төрдүс төгүлүн дьүүллүүр сүбэ председателинэн үлэлээтэ А.Д. Макарова аатынан култуура кэллиэhин преподавателя, СӨ култууратын үтүөлээх үлэһитэ Станислав Степанов, чилиэннэринэн үлэлээтилэр СӨ норуодунай артыыһа, Арассыыйа култууратын үтүөлээх үлэһитэ Дмитрий Артемьев, өрөспүүбүлүкэтээҕи норуот айымньытын Дьиэтин специалиһа, СӨ үөрэҕириитин, култууратын туйгуна, «Учууталлар учууталлара», «Методист Якутии» анал бэлиэлэр хаһаайыннара, РФ уопсай үөрэхтээһинин бочуоттаах үлэһитэ Николай Терютин, Арктикатааҕы ускуустуба, култуура уонна айар индустрия судаарыстыбаннай университетын доцена, СӨ култууратын уонна профессиональнай үөрэхтээһин туйгуна, норуоттар икки ардыларынааҕы хореографтар сойуустарын чилиэнэ Анастасия Сидорова, СӨ култууратын үтүөлээх үлэһитэ, Найахы, Уус-Алдан бочуоттаах олохтооҕо Мария Сивцева.
Муҥутуур кыайыылаахтарынан оҕолорго Тааттаттан «Доҕордоhуу» норуодунай ансаамбыла, сал. Валентин Козлов, улахан дьоҥҥо Дьокуускайтан «Уран» үҥкүү ансаамбыла, сал. Ньургун Индеев ыллылар.
Курэспитигэр кэлэн кыттыбыт бары үҥкүү коллективтарыгар, салайааччыларыгар, партнёрбутугар Мүрү нэһилиэгин Аҕа баһылыгар Прокопий Румянцевка, «Тойон Мүрү» култуура дыбарыаһын коллективыгар салайааччы Максим Гоголевка Уус-Алдан хореографтарын ассоциациятын аатыттан барҕа махталбытын тиэрдэбит.
Хореографтар ассоциацияларын салайааччыта Ульяна Ноговицына.