Кулун тутар 17 күнүгэр култуура дыбарыаһыгар олохторун тухары улууспут, Өрөспүүбүлүкэбит култуурнай, духуобунай сайдыытыгар үйэлээх кылааттарын киллэрбит, билигин да үлэлии-хамсыы, айа-тута сылдьар улууспут култууратын ветераннарын «ААСПЫТЫ САНААН, САҤАНЫ УРУЙДААН !” диэн, толору көрөөччүлээх, улахан кэнсиэрэ буолан ааста.
Бу киэһэ сценаҕа, ааспыты санаан бэйэлэрин ылбаҕай ырыаларынан, үҥкүүлэринэн бэлэх ууннулар Мария Сивцева, Мария Иванова, Мария Лебедкина, Алена Гаврильева, ырыаһыттар Мүрү күөрэгэйэ Клавдия Мурукова, Александр Иванов, Саргылана Константинова, Егор Лугинов, Ульяна Босикова, Николай Бурцев, Василий Федоров, Валентина Варламова, Станислав Луковцев, Ион Лукачевскай онтон да атыттар. Ону тэҥэ Найахы, Тумул, Суотту, Тойон Мүрү култуура кииннэрэ көрдөөх сценкаларын көрдөрдүлэр.
Концертан киирбит үп-харчы бу сайын биһиги улууспутугар ыытыллар Саха Өрөспүүбүлүкэтин норуоттарын VIII-c Спортивнай оонньууларын анал фондатыгар киириэҕэ, култуура ветераннарын дьоһун кылаата буолуоҕа.
