Перейти к содержанию

«Күлүү-сүрэх эмчитэ»

Кулун тутар 30 күнүгэр «В.В.Никифоров-Күлүмнүүр аатынан «Тойон Мүрү» култуура дыбарыаһыгар, «КҮЛҮҮ-СҮРЭХ ЭМЧИТЭ» дьиибэлээх-дьээбэлээх, улууспут көрү-күлүүнү көҕүлүттэн тутар дьээбэрэн күрэх- концерт ыытылынна! Кыттааччылар аҕыс нэһилиэктэн кыттыыны ыллылар. Ол курдук Танда Байаҕантай нэһилиэгиттэн «Преображение» театральнай түмсүү, кыайылааҕынан тахсан Гран-при уонна көрөөччү биһирэбилин ыллылар реж. Анна Попова, Лауреат Тумул Бороҕон нэһилиэгин «Бэтэкэй бэтиэхэлэр» кɵр — күлүү бɵлɵҕɵ реж. Андрей Макаров, Дипломант «Танцы-манцы» бɵлɵх Баатаҕай нэһилиэгэ, реж. Александр Белолюбскай, «Бэртээхэй бэтиэхэлэр» анал ааты ыллылар «Тэбэнэттэр», Суотту нэһилиэгэ реж. Христина Неустроева, «Көрдөөх көкөттөр» — «Дьээбэ-хообо» Тулуна 2-с Лөгөй нэһилиэгин бөлөҕө реж. Татьяна Куприянова, «Тэбэнэттээх бэтиэхэлэр» — «Дэриэбинэчэн» Уус-Күөлэ Курбуһах нэһилиэгэ реж. Лена Винокурова, «Күндү күлүүк» — Аграфена Алексеева «Бээди бэтиэхэлэр бөлөх» реж. Лена Жиркова, «Дьэргэстэй Куо» — «Чээнэ дьээбэлэрэ» бөлөх Мүрүчээнэ оҕо уһуйаана Мүрү нэһилиэгэ, «Көрүдьүөһү күөдьүтээччи» — Гаврил Шепелев Тулуна нэһилиэгэ, «Сытыы бөрүө» — Тандаттан Михаил Неустроев. Бары кыайыылаахтарга, номинацияларга харчынан сертификаттар туттарылыннылар. Норуоттан тахсар талааннары мустубут кɵрɵɵччү уонна 3 киһиттэн састааптаах дьүүллүүр сүбэ сыаналаатылар. Чахчы да кɵр — күлүү жанрын баһылаабыт, бииртэн биир бастыҥ коллектив сценаҕа тахсан барыта 22 нүɵмэри биир тыынынан кɵрдүбүт. 

Ыраахтан – чугастан ыҥырыллан кэлэн умнуллубат дьоро киэһэни бэлэхтээбит бөлөхтөрбүтүгэр махталбытын тиэрдэбит. Инникитин да айар ʏлэҕитигэр ситиһиилэр кэлэ турдуннар, бар дьоҥҥутугар ʏɵрʏʏнʏ — кɵтүүнү бэлэхтии, кинилэр махталларын ыла сылдьыҥ диэн баҕа санаабытын тиэрдэбит. Онон бука барыгытыгар үөрүүлээх-күлүүлээх бэһиэлэй күнүнэн, өссө төгүл эҕэрдэ буолуохтун!