В.В. Никифоров-Кулумнуур аатынан «Тойон Мүрү» культура дыбарыаһыгар Уус-Алдан улууһун хореографтарын түмсүүтэ кэлэн иһэр Аан Дойдутааҕы үнкүү күнүнэн уонна аны сайын улууспутугар ыытыллыахтаах Саха Сирин норуоттарын VIII спортивнай оонньууларын көрсө акция кэнсиэр тэрийэн ыытта. Манна уопсайа 7 нэүилиэктэн 5 оҕо, 12
улахан дьон бөлөхтөрө, 180 кыттааччы кэлэн кыттан, сылдьыбыт дьону-сэргэни сэргэхситтилэр, үнкүү кэрэ киэһэтин бэлэхтээтилэр.
Үҥкүү дьоро киэһэтигэр, 1998 сыллаахха улууспутугар хореографтар түмсүүлэрэ тэриллэрин көҕүлээбит, Саха Сирин культуратын Үтүөлээх үлэһитэ, культура ветерана Мария Захаровна Сивцева эҕэрдэлээтэ, араас норуот, эстраднай, бальнай, современнай үнкүүлэр үнкүүлэннилэр, биир сомоҕо буолуу флешмобунан түмүктэннэ.
Түмсүүбүт аатыттан куруук биһиги үлэбитигэр күүс-көмө, өйөбүл буолар «Тойон Мүрү» культура дыбарыаһын үлэһиттэригэр, сал. Гоголев Максим Петровичка барҕа махталбытын тиэрдэбит.
Түмсүү салайааччыта Саха республикатын ыччакка политикатын уонна культуратын туйгуна Ноговицына У.П.