⚜️ «Үгэстэр, фольклор – олохпут оҥкула» хайысхаҕа «Уус-Алдан олоҥхоһуттарын үйэтитии» тиэмэнэн Уус-Алдан улууһун олоҥхотун чинчийээччи, СӨ култууратын үтүөлээх үлэһитэ Мария Захаровна Сивцева уонна «Уус Алдан оһуокайа» тиэмэнэн Олоҥхо дьиэтин фольклорга специалиһа, Х.Максимов Фондатын чилиэнэ, улуус «Оһуохай» түмсүүтүн чилиэнэ Ньургуяна Владимировна Никитина иһитиннэрии оҥордулар.
⚜️ Үһүс хайысха «Саха ырыата уонна вокальнай искусство» М.К.Попова аатынан Майатааҕы оҕо искусствотын оскуолатыгар ыытылынна, «Авторскай оскуола методиката» тиэмэнэн РФ, СӨ култууратын үтүөлээх үлэһитэ, «Кэнчээри» РФ үтүөлээх коллективын, оҕо народнай хорун салайааччыта Василий Степанович Парников иһитиннэрдэ.
⚜️ Төрдүс хайысха «Кыраайы үөрэтии, история уонна култуура өйдөбүнньүктэрэ, геокультурнай туризм» Р.Г.Васильев аатынан кыраайы үөрэтэр түмэлгэ ыытылынна.
⚜️ «Тыа сирин култууратын инники кэскилэ» бэһис хайысхаҕа култуура үлэһиттэрэ, нэһилиэк баһылыктара кыттыыны ыллылар, биһи улуустан Уус-Алдан улууһун Култуураҕа управлениетын информационнай-методическай киинин салайааччыта, СӨ култууратын туйгуна Бережнева Марианна Васильевна, «Уус-Алдан улууһун култуурата информационнай – методическай салааҕа үлэтэ» тиэмэнэн кытынна.
Улууспут культуратын үлэһиттэрэ түмүллэн, халыҥ делегация буолан тиийэн кыттан, билиилэрин хаҥатан, уопут ылан кэллилэр.
источник: https://t.me/UAkultura
