Перейти к содержанию

Түмэр Күн

Кулун тутар 26 күнүгэр Марфа, Сергей Расторгуевтар ааттарынан Государственнай Цирк дьиэтигэр, дьоһун эппиэттээх тэрээһиммит Саха өрөспүүбүлүкэтин VIII-с спортивнай Оонньуулара 100 хонук  иннинэ, “ТҮМЭР КҮН”, Уус Алдан улууһун дьоно-сэргэтэ түмсэр күнэ буолан, Цирк дьиэтигэр  биир дойдулаахтарбыт тоҕуоруһа муһуннулар. Бу концерт бу урукку сыллартан уратыта диэн, нэһилиэктэрбит уус-уран самодеятельноһа бэйэлэрин төрөөбүт нэһилиэктэрин туһунан эрэ ырыалары толоруулара, ырыалар ис хоһооннорунан экран нөҥүө дойдуларын, бөһүөлэктэрин, ытык сирдэрин көрдөрүүнү, көрөөччү астына-дуоһуйа, сэргии көрдүлэр.

Концерт саҕаланыыта Экран нөҥүө имиджевай ролик көһүннэ, ол кэннэ Цирк артыыстара, жонглердар “Дьөһөгөй” номердара, “Тойон Мүрү” народнай үҥкүү  бөлөҕө “Дьөһөгөй” үҥкүүтүн кытары 8-с Спортивнай Оонньуубут Талисмана киирбитин уруйдуу көрүстүлэр. “Тойон Мүрү культура Дыбарыаһын” народнай хорун толоруутугар улууспут ГИМНЭ  ылланна. СӨ спордун министрэ  Л.Н. Спиридонов, VIII- с спортивнай Оонньуулар главнай режиссера, С.В. Расторгуев эҕэрдэ тылларын эттилэр.

Үөрүүлээх тэрээһин түмүгэр, улууспут аҕа баһылыга А.В. Федотов тахсан, мустубут биир дойдулаахтарын иннигэр тыл этэн, эҕэрдэлээтэ. Аны сайын ыытыллар спорт киэҥ түһүлгэтэ норуоту түмтүн, сомоҕолоотун, күүрүүлээх үлэҕэ көҕүлээтин!- диэн тылынан, уонна уостан түспэт “Мүрү, Мүрү барахсан ырыаны бары концерт кыттааччылара, көрөөччүлэр күргүөмүнэн бииргэ ыллааһынынан түмүктэннэ.