Бу дьыл, ыам ыйын 28 күнүгэр,Уус-Алдан улууһун В.В.Никифоров — Күлүмнүүр аатынан «Тойон Мүрү» култуура дыбарыаһын туонатыгар, оскуола боруогун атыллаары сылдьар чөмчүүк курдук кэрэчээн кыргыттарга аналлаах «Чөмчүүк Куо -2026» күрэх 14-с төгүлүн ыытылынна. Куонкуруска, араас сибэкки кэриэтэ симэнэн кэлбит кэрэчээн кыттааччылары ытыс тыаһынан доҕуһуоллаан көрүстүлэр. Түөрт түһүмэх түмүгүнэн «Чөмчүүк Куо -2026» кыайыылааҕынан буолла: Күннэй Стрекаловская, «Күнчээнэ», Мындааба. «Кэрэчээнэ Куо» анал ааты ылла: Ангелина Захарова, «Күнчээнэ», Мындааба. «Нарыйаана Куо» анал аат: Саяра Егорова, «Чэчир», Найахы. «Кэрэхсээнэ Куо» анал аат: Лия Морозова, «Мүрүчээнэ», Бороҕон. Ону тэҥэ, «Күнчээнэ Куо» аат туттарылынна, кэрэчээн кыттааччыларга: Милена Оконешникова, Ева Лукачевская, Марианна Макеева, Карина Дмитриева, Эля Сивцева, Айсена Мордовская, Карнелия Семенова.
Ыам ыйын 25 күнүгэр буолан ааспыт «Мүрү Чуораанчыктара — 2026» куонкурус ГРАН-ПРИ хаһаайыттарынан буоллулар: Хор, «День Победы» ырыанан, «Күнчээнэ», Мындааба, сал. Анастасия Кириллова. «Эдэр булчут ырыата» ырыаны толорон, Антон Арсентьев, «Чэчир», Найахы, сал. Лариса Арсентьева.
«Чөмчүүк Куо» уонна «Мүрү Чуораанчыктара» бырайыактар автордара, Саха Республикатын култууратын туйгуна, «Тойон Мүрү» култуура дыбарыаһын сүрүннүүр испэсэлииһэ, Валентина Романовна Варламова.
