Бүгүн кулун тутар 6 күнүгэр култуура дыбарыаһыгар Кэрэ ийэлэргэ олус чаҕылхай умнуллубат күөн күрэс буолан ааста.Күрэх дьиэ кэргэн сыаннастарын бөҕөргөтүүгэ, көхтөөх олоҕу тарҕатыыга уонна 30-тан 45-гэр диэри саастаах ийэ айар кыахтарын арыйыыга туһуламмыта. Кыттааччылар тас кэрэни эрэ буолбакка олох муудараһын, айар дьоҕурдарын уопсайа 13 кэрэ куо бэйэлэрин көрдөрдүлэр.
Тэрээһин программата түөрт түһүмэҕи киллэрбитэ. Бэйэни билиһиннэрии,интеллектуальнай түһүмэх,талааны көрдөрүү уонна киэһээҥҥи кэрэ таҥастаах тахсыы.
Интеллектуальнай түһүмэххэ дьиэ кэргэн үгэстэрин, сыаннастарын туһунан ыйытыыларга хоруй иһилиннэ.
Талааны билиһиннэриигэ уус-уран самодеятельность жанрдарыгар айар тыллар-вокал, хореография уонна сценическэй туруоруулар буоллулар.
Күрэх түмүгүнэн дьүүллүүр сүбэ кыайыылаахтары быһаарда: Сүрүн титул «Миссис Уус Алдан»-50 000 солк. харчы бирииһи ылла Роксана Охлопкова Мүрү нэһилиэгэ; «I Вице-Миссис Уус Алдан» титула-30 000 солк. Анна Хабарова I Хоро; «II Вице-Миссис Уус Алдан» титула-20 000 солк Галина Петрова Хоро нэһилиэгэ. Ону сэргэ дьон биһирэбилин ылбыт анал аат уонна куйаар ситимин билиниитэ туттарылынна Нина Никитинаҕа Мүрү нэһилиэгэ.
Бырааһынньык программата сылаас, үтүө санаалаах эйгэҕэ буолан, көрөөччүлэргэ чаҕылхай иэйиилэри бэлэхтээн, аан дойдутааҕы дьахтар күнүн бэлиэтээһин дьиҥнээх киэргэлинэн буолла.
